A Chjamata

Si vous voulez recevoir gratuitement et directement chez vous les futurs numéros de A Chjamata, n'hésitez pas à adhérer à la Casa: un engagement symbolique. V'ASPITTEMU !!!!

A Casa di u Populu Corsu di Pariggi hè cumposta pè a so maiò parte di studienti corsi campendu in Parigi ! A scelta di stu gruppu hè di prumove a lingua è a cultura corsa fora di Corsica trà mezu l’attività di animazione è publicazione.

Dipoi a so creazione in u 1978, A CASA DI U POPULU CORSU hè divintata un locu di primura, un fanali pè i Corsi in Pariggi. Dopu à parechji anni d’innattività, cunnosce oghje una vera rinascita cù associ culturali (CULTURA VIVA) mà dinù spurtiva (UNIONE CORSA). U scopu di A CASA ferma u listessu : participà à a diffesa è à a divizia di a cultura corsa prupunendu un lucale di scontru, d’infurmazione è d’animazione in Parigi, senza logica cummerciale o pulìtica. Hè dunque un spaziu di scontru è di fratellanza animatu da i sfarenti attività di l’associ adduniti pà parlà è cantà a noscia lingua. I so cunfarenzi è dibattiti cum’è a so bibliuteca porghjenu a pussibilità d’arricchìsce si di a noscia storia è di a noscia cultura.

 

Ci ritruvemu dunque ogni tanti in a Casa d’Issy les Moulineaux, ghjovanni e vechji, omi e donne, studienti e travagliadori… pè ricurdassi chì u nostru Paese si chjama Corsica, è chì un si deve micca more.

Ùn valenu e chjachjare è v’invitemu in stu locu, in a Casa di u Populu Corsu s’è vo ci vulete incuntrà.