Mà chì ghjè A Chjamata ?

 
"Dop’à esse stata zitta parechj’anni, rinasce « a Chjamata ». Perchè ch'avemu vulsutu fà rinasce stu ghjurnale assai cunnisciutu ind’u populu corsu tempi fà ?

A chjamata, ghjè un mughju, quellu di a generazione di u Settanta bramosa di fà campà u so populu da ch'ellu ùn morga. Trent’anni dopu, hè vinuta l’ora di vultassine, di guardà è d’analizà u passatu. Ma sopr'à tuttu hè vinuta l’ora per i giovani di piglià a parolla, di pusiziunassi di pett’à a pinsata è à l’azzione di i so anziani incù u scopu d’evuluà senza fà e listesse errore.

Noi, giovani corsi, avemu da pruvà di mantene è di crià una pinsata viva, inventiva è misurata, passiunata è chjara. Vulemu cusì principià una riflessione sopr’à i temi chì sbucciaranu nant’à dibbattiti custruttivi.

Essendu tutti d’orizonti pulutichi varii, ùn vantemu micca l’appulitisimu, ma pruvemu di difende è d’argumentà e nostre idee diverse. Vale à dì chì a sola regula chì s’impone hè quella di u rispettu di l’astri escludendu cusì ogni discriminazione.

Spiremu chì i testi colti faranu nasce intaressi è cummenti. S’ellu ùn và inde stu sensu è ch’elli ùn facenu nasce cà indifferenza o consensus, allora avaremu fiascatu. U nostru scopu hè difatti di fà nasce a discussione è a cunfruntazione d’idee.

Ci tocca dunque à ripiglià « A Chjamata », spechju di a rinascita di u populu corsu à traversu u riacquistu di a so lingua è di a so cultura. Stu ghjurnale hà cuntribuitu à stonde felice è prulifiche per a literatura corsa. Ramintemuci chì sò parechji i scriviani corsi à avecci scrittu : Ghjacumu FUSINA o Rinatu COTI per undettu.

Simu bramosi di seguità u solcu di i nostr’anziani, ma dinù di sviluppà novi cuncetti.

Difatti, sarà prima un ghjurnale culturale cumpostu di creazione literarie (puesie, prosa ecc…), di cummenti di l’attualità, di stalvatoghji ridiculi è di disegni.

È in più di seguità u solcu tracciatu da l’anziani, u ghjurnale sarà dinù u spechju di l’attività di a Casa (ritratti è riassunti di e serate, ringraziamenti ecc…) è ramintarà a nostra dimarchja à a ghjente, vale à dì u nostru prugettu, e tradizione è l’usi ch’è no vulemu mantene ecc… Simpliciamente : Perchè a Casa ?

Ci vole à dì per compie chì u ghjurnale sarà cumpostu di un « Agenda corsu » (ramintendu e stonde corse impurtante ind’u circondu pariginu), d’un annuariu di tutti i cummercii corsi di Pariggi prumudendu cusì a so attività. A femu per mantene u spiritu di fraternità, è d’aiutu trà i corsi di a spalluzzera per chì i nostri cumpatriotti sbarcati quì ùn si sentinu soli in sta grande cità di Pariggi, assai sfarente di a nostra cara isula.

In stu ghjurnale, ogni persona in accusentu cù u nostru prugettu è a nostra andatura, avarà a pussibilità di sprimesi di manera libera è aparta nant’à ciò chì li pare bonu. Vulemu cusì parmette à u populu corsu di fà sente a so voce -senza distinzione pulitiche-.
Stu ghjurnale sarà difatti un’opara cullettiva.

 

 

De ce fait il s'agit là d'un journal gratuit, que nous offrirons à l'ensemble de nos partenaires (établissements ayant participés au financement, coopérateurs, anciens acteurs et membres de la Casa), à l'ensemble de nos actuels et futurs adhérents (cf Bulletin d'adhésion)... Le journal sera également distribué dans un certains nombre d'endroits startégiques en Corse (Università di Corsica, salle d'attente aérogare...Etc.)

A ringrazia vi per lu vostru sustegnu, ci n'hè bisognu !

 

 

Créer un site
Créer un site